Personazhet tradicionale të teatrit turk të hijeve, Karagöz dhe Hacivat, u takuan me nxënësit në Tiranë përmes shfaqjeve “Hijet Gjigante”. Artistët e teatrit të hijeve Suat Veral dhe Merve İlken zhvilluan shfaqje dhe punëtori me nxënësit e Kampusit të Shkollave Maarif në Tiranë, Shtëpisë së Fëmijës “Zyber Hallulli” dhe Shkollës Jopublike “Hafiz Ibrahim Dalliu”, të cilët ndjekin lëndën me zgjedhje të turqishtes në kuadër të Projektit “Turqishtja Zgjedhja Ime”.

Aktivitetet nisën në Kampusin e Shkollave Maarif në Tiranë me shfaqjen e Karagözit dhe Hacivatit. Pas shfaqjes u zhvillua një punëtori argëtuese, gjatë së cilës nxënësit krijuan personazhet e tyre, duke pasur mundësinë të njiheshin më nga afër me teatrin e hijeve dhe të bëheshin pjesë e kësaj forme tradicionale të artit.

Një tjetër ndalesë e aktiviteteve ishte Shtëpia e Fëmijës “Zyber Hallulli”. Fëmijët, të cilët e ndoqën me kureshtje shfaqjen e Karagözit dhe Hacivatit, patën mundësinë të krijonin personazhet e tyre gjatë punëtorisë dhe t’u jepnin jetë përmes teatrit të hijeve.

Aktiviteti i fundit i zhvilluar në kuadër të vizitave u realizua në Shkollën Jopublike “Hafiz Ibrahim Dalliu”, me nxënësit që ndjekin lëndën me zgjedhje të turqishtes në kuadër të Projektit “Turqishtja Zgjedhja Ime”. Nxënësit morën informacion mbi vendin dhe rëndësinë e Karagözit dhe Hacivatit në teatrin tradicional turk të hijeve, ndërsa përmes punëtorisë së zhvilluar patën mundësinë të njiheshin më nga afër me këtë trashëgimi kulturore.