Në Shqipëri, në kuadër të Projektit “Turqishtja Zgjedhja Ime”, nxënësit që mësojnë turqishten në shkollat e tyre u mblodhën në Festivalin e Fëmijëve “Turqishtja Zgjedhja Ime”, organizuar nga Instituti Yunus Emre Tiranë.

Festivali u zhvillua më 22 Shtator 2026, në orën 12.00, në Sallën e Konferencave të Xhamisë së Namazgjasë në Tiranë. Në aktivitet morën pjesë rreth 250 nxënës nga shkollat ku zbatohet Projekti “Turqishtja Zgjedhja Ime”, të cilët ndjekin turqishten si lëndë me zgjedhje në Gjimnazin me Orientim Gjuhësor “Asim Vokshi”, Shkollën Jopublike “Hafiz Ibrahim Dalliu” dhe Shkollën Jopublike “Hafiz Ali Podgorica”.

Në aktivitet morën pjesë Ambasadori i Republikës së Turqisë në Tiranë, Barış Ceyhun Erciyes, Këshilltari për Arsimin pranë Ambasadës së Republikës së Turqisë në Tiranë, Gökmen Aksakal, Drejtori i Fondacionit Maarif të Turqisë në Shqipëri, Mesut Özbaysar, si dhe Kryetari i Dhomës së Tregtisë dhe Industrisë Turqi-Shqipëri, Kenan Sevinç, duke ndarë me nxënësit emocionin dhe entuziazmin e tyre.

Në kuadër të programit, nxënësit lexuan kompozime në gjuhën turke, si dhe recituan poezi dhe kënduan këngë. Krahas performancave në gjuhën turke të nxënësve, në aktivitet u prezantuan edhe personazhet tradicionale të teatrit turk të hijeve, Karagöz dhe Hacivat. Shfaqja “Hijet Gjigante – Karagöz dhe Hacivat”, e interpretuar nga artistët e teatrit të hijeve Suat Veral dhe Merve Ilken, u ndoq me interes dhe kureshtje nga nxënësit. Në pjesën e fundit të programit u zhvillua edhe një shfaqje Sema nga semazeni Osman Korur.

Në kuadër të Festivalit, për kontributin dhe mbështetjen e tyre në mësimdhënien e gjuhës turke, Atashehut të Arsimit pranë Ambasadës së Republikës së Turqisë në Tiranë, Gökmen Aksakal, Kryetarit të Dhomës së Tregtisë dhe Industrisë Turqi-Shqipëri, Kenan Sevinç, Drejtores së Gjimnazit me Orientim Gjuhësor “Asim Vokshi”, Marsida Jarani, si dhe Drejtorit të Shkollës Jopublike “Hafiz Ibrahim Dalliu”, Klodian Zaimi, iu dorëzuan plaketat e falenderimit nga Koordinatori i Institutit Yunus Emre në Shqipëri, Oğuzhan Sakoğlu.

Festivali u përmbyll me një koktejl të organizuar për nxënësit pjesëmarrës.